20 сен 10:13
Янгиликлар

Бокс/ММА

Сауль Альварес жаҳон чемпионлик камарларининг биридан маҳрум қилинди

Профессионал бокснинг ўрта вазн тоифасида учта йўналиш чемпиони Сауль “Канело” Альварес Головкин билан жангда қўлга киритган камарларининг биридан маҳрум бўлди.

Мексикалик боксчи Головкинга қарши кечган жангдан сўнг IBO ташкилотига бадал пулини тўлашдан бош тортган. Бу вазиятда Халқаро бокс ташкилоти (IBO) Альваресни чемпионлик унвонидан маҳрум қилди.

Энди ушбу чемпионлик камари вакант, яъни эгасиз бўлиб қолди. Сауль айни пайтда WBC ва WBA (Super) чемпионлик камарлари соҳиби бўлиб турибди. IBO бокс ташкилоти 1988 йилдан бери фаолият юритиб келади ва нуфузи жиҳатидан бешинчи ўринда туради.