27 июн 14:28
Янгиликлар

Бокс/ММА

Сауль Альварес Ковалёв ёки Смитга қарши жанг ўтказиши мумкин

Профессионал бокснинг ўрта вазн тоифасида WBC, WBA ва IBF йўналишлари чемпиони Сауль "Канело" Альвареснинг навбатдаги жанги қачон ўтказилади?

Мексикалик боксчи собиқ жаҳон чемпиони қозоғистонлик Геннадий Головкинга қарши учинчи жангда рингга чиқмоқчи эмас. Альварес сентябрь ойида бошқа вазн тоифасида жанг ўтказиш истагида. Сауль иккинчи ўрта вазнда WBA чемпиони Каллум Смит ёки ярим оғир вазн тоифасида WBO чемпиони Сергей Ковалёвга қарши рингга кўтарилмоқчи бўлмоқда.

Ҳар қандай ҳолатда ҳам Головкинга қарши трилогия келаси йилнинг май ойигача ўтказилмайди. Канелонинг галдаги жанги 14 сентябрга мўлжалланмоқда. Головкин эса ҳамон учинчи жангдан умидини узгани йўқ. Бу жангнинг ўтказилишини DAZN ҳам хоҳламоқда.