Сауль Альварес Мбиллига қарши жанг анонсига муносабат билдирди

Уларнинг жанги 12 сентябрь куни Ар-Риёдда ўтказилади.

"Шунча йилдан бери спортдаман, аммо мотивациям ўзгармаган — ўзимга чақириқ ташлаш, Мексика шарафини муносиб ҳимоя қилиш ва меросимни мустаҳкамлаш. Мбилли мағлубиятга учрамаган ва жуда кучли боксчи, мен буни ҳурмат қиламан. Аммо мен доим тайёргарликка, чиқишимга ва мухлисларга яна бир ажойиб бокс оқшомини тақдим этишга эътибор қаратаман. 12 сентябрь куни Ар-Риёдда биз янги саҳифани бошлаймиз. Мен бутун фаолиятим давомида амал қилган интизом, амбиция ва мақсад сари интилиш билан рингга чиқаман", — деди Альварес Riyadh Season матбуот хизматига.