Сауль Альварес - Уильям Скалл жангида умумий ҳисобда 111 та аниқ зарба йўлланди

Иккинчи ўрта вазн тоифасида мутлақ жаҳон чемпиони, мексикалик Сауль Альварес ҳамда ушбу вазндаги собиқ жаҳон чемпиони кубалик Уильям Скалл ўртасида бўлиб ўтган жангда, Compubox статистикасига кўра, 12 раунд давомида биргаликда жами 111 аниқ зарба амалга оширишди.

Альварес Скаллга нисбатан битта кўпроқ зарба берган: ҳисоб Канело фойдасига 56:55. Жангда жами 35 аниқ жеб қайд этилган бўлиб, уларнинг 27 тасини Скалл йўллаган. Альварес эса атиги 8 жеб билан жавоб қайтарган. Қолган 76 кучли зарбанинг 48 таси мексикаликка тегишли бўлган (48:28).

Эслатиб ўтамиз, ушбу жангда Альварес ҳакамларнинг якдил қарори билан ғалаба қозониб, яна мутлақ жаҳон чемпиони унвонига сазовор бўлди.