Себастьян Фундора ва Кит Турман жанги 6-раундда якунланди

Асосий жангда WBC йўналиши бўйича биринчи ўрта вазн (69,9 кг гача) чемпиони Себастьян Фундора ҳамюрти Кит Турманга қарши жангда камарини ҳимоя қилди.

Жанг олти раундгина давом этди. Фундора жангда техник нокаут билан ғалаба қозонди.

Фундора 28 ёшда. У 2016 йилда профессионал фаолиятини бошлаган ва 2024 йил март ойида Тим Цзюни мағлуб этиб, камарларни бирлаштирган ҳолда жаҳон чемпионига айланган. Унинг ҳисобида 24 ғалаба (15 нокаут), 1 мағлубият ва 1 дуранг бор.

37 ёшли Турман 2007 йилда профессионал боксда дебют қилган, 2015 йилда ярим ўрта вазнда чемпионликка эришган, У фаолиятидаги илк мағлубиятни Мэнни Пакьяодан қабул қилган эди. Бу унинг иккинчи мағлубияти бўлди.

Ушбу вазнда ўзбекистонлик Исроил Мадримов ҳам ўз жангларини ўтказади. Айни пайтда у WBC рейтингида 6-ўринни эгаллаб турибди.