Сент-Пьер Конор Макгрегорга текин маслаҳат берди

Канадалик тажрибали жангчи ирландияликнинг сўнгги мағлубиятларидаги хатоларини аниқ билади. 

 "Агар Конор вазиятни ижобий томонга ўзгартириш истагида бўлса, у албатта қулайлик зонасидан чиқиб кетиши керак. У ҳеч қачон ўқув-машғулот йиғинида, яъни машғулот залида хўжайин бўлмаслиги лозим. У сўзсиз мураббийларнинг айтганига қулоқ солиши шарт. Гарчи, мураббийларнинг кўрсатмалари унга ёқмаса ҳам, бунга риоя қилиши керак. Акс ҳолда натижалари салбий кўринишда бўлаверади", - деди канадалик афсона. 

Эслатиб ўтамиз, Конор Макгрегор шу йилнинг январь ойида бир йиллик танаффусдан сўнг октагонга қайтган ва иккинчи раундда Дастин Порьега техник нокаут эвазига мағлуб бўлган эди.