Сергели туман прокурори соврини учун кураш мусобақаси бўлиб ўтди ФОТОРЕПОРТАЖ

Пойтахтимизнинг Сергели туманидаги 1-сонли болалар ва ўсмирлар спорт мактабида Сергели тумани ҳокимлиги билан ҳамкорликда болалар, ўсмирлар, ёшлар ва катталар ўртасида туман прокурори соврини учун турнир ташкил этилди.

Тошкент шаҳар прокурори, Тошкент шаҳар кураш федерацияси раиси Улуғбек Қосимов томонидан тасдиқланган режа асосида ўтган мусобақада пойтахтимизнинг барча туманларидан уч юз нафарга яқин полвон ғолиблик учун беллашди.

Шиддатли ва муросасиз кечган баҳслар якунида ўз вазн тоифаларида Рамзиддин Муҳаммадиев (27 кг), Саидакбар Ҳайитов (33 кг), Баркамол Тошпўлатов (40 кг), Ҳусниддин Бобоқулов (55 кг), Умирзоқ Қурбонмуродов (65 кг), Фаррух Ҳамдамов (65 кг), Жавоҳир Хуррамов (73 кг), Ҳумоюн Қаршиев (73 кг), Умар Бозоров (90 кг), Эркин Қозоқов (+90 кг), Малика Қаҳҳорова (63 кг)ларга тенг келадигани топилмади.

Турнир ғолиб ва совриндорларига диплом, медаль ва қимматбаҳо совғаларни Тошкент шаҳар прокурори ўринбосарлари, Сергели туман секторлар раҳбарлари тантанали равишда топширдилар.

Эътиборлиси, мусобақа доирасида Сергели тумани маҳаллаларидан ҳоким ёрдамчилари ва ёшлар етакчилари томонидан уюшмаган ёшлар, ўсмирлар ва болалар турнирга жалб қилиниб, кураш тўгаракларига аъзо қилинди.

Алимурод МАМАДАМИНОВ тайёрлади, ўз мухбиримиз