Сергей Богачук: "Бу жуфтлик ғолиби менинг кейинги рақибим бўлади"

У якунланган йилнинг 21 декабрь санасида Ар-Риёд (Саудия Арабистони) шаҳрида ўтказилган бокс оқшоми доирасида англиялик Ишмаэль Дэвисни мағлубиятга учратиб, ўз вазнида WBC камари учун мажбурий даъвогар мақомини қўлга киритганди.

"Мен чемпионлик учун жанг қилишни жуда хоҳлардим, энди бу мақсадга ҳар қачонгидан ҳам яқинроқман. Ҳозир кейинги рақибим ва қачон жанг қилишим ҳақидаги маълумотларни кутяпман. Қолганлари иккинчи даражали. Ҳозир бу йўналишда Фундора чемпион. У Спенс билан жанг қилади, балки кейинги жангим шу жуфтлик ғолиби билан бўлар.

Иккинчи вариант эса, Фундора камарни вакант қолдиради, мен эса эгасиз чемпионлик учун бошқа рақиб билан жанг қиламан. Жаҳон чемпионлик камари учун даъвогар эканлигим мен учун мотивацион омил. Бу менинг фаолиятим учун катта қадам", деди Богачук.

Маълумот учун, мазкур вазн тоифасида фаолият юритувчи ўзбекистонлик Исроил Мадримов 22 февраль куни WBC Interim чемпиони Вержил Ортисга қарши рингга кўтарилади.