Сергей Богачук: "Кейинги жангим учун муносиб рақиб излаяпмиз, лекин ҳамма биздан яшириняпти"

— Бўлажак жангингиз учун номзодлар борми?

"Мен сўнгги жангимда ғалаба қозондим ва WBC камари учун расмий даъвогарга айландим. Бошқа рейтингларда ҳам етакчилар қаторидаман. Лекин ҳозирча ҳеч ким мен билан бокс тушишни хоҳламаяпти. Менга чемпионлик учун курашиш имконияти берилмади. Масалан, мен Виржил Ортисдан реванш олмоқчиман. Аммо унинг жамоаси кучсизроқ рақибларни қидирмоқда, осон жанглар ўтказишни хоҳлайди. Мен америкалик жаҳон чемпиони Себастьян Фундора билан жанг қилишни истардим, лекин у ва жамоаси қандайдир тарзда биздан олдинда. Аслида, Себастьян билан жанг қилишимиз керак эди, бироқ унда муаммолар бўлди. Биз навбатдаги жангга муносиб рақиб излаяпмиз, лекин ҳамма биздан яшириняпти", деди Богачук.

Маълумот учун, Сергей Богачук 2024 йилнинг декабрь ойида собиқ WBA чемпиони Исроил Мадримов билан жанг қилиши керак эди, аммо ҳамюртимизнинг соғлиғидаги муаммолар туфайли ушбу жанг бекор бўлганди.