07 ноя 11:32
Янгиликлар

Теннис

Сергей Фомин Баҳрайн турнирида 1/4 финал иштирокчисига айланди

Баҳрайн пойтахти Манама шаҳрида теннис бўйича М15 тоифасига кирувчи турнир давом этмоқда.

Ўтган ҳафта Хитойдаги турнирда чемпион бўлган ҳамюртимиз Сергей Фомин энди Ғарбий Осиёни забт этишга киришди. Мамлакатимизнинг иккинчи ракеткаси 1/16 финалда руминиялик Владислав Мелникни қийинчилик билан мағлубиятга учратганди - 7/6(5), 6/4.

Фомин 1/8 финалда ATP рейтингининг 865-поғонасида бораётган россиялик 18 ёшли Тимофей Дерепаскони 3/6, 6/4, 6/2 ҳисобида таслим этди. Бугун Сергей 1/4 финалда испаниялик Иван Курбело Маррерога қарши кортга чиқади.

Таққослаш учун, Сергей Фомин ATP рейтингида 460, Иван Марреро 621-поғонадан жой олган. Ушбу баҳс бизнинг вақт билан соат 14:00да бошланади.