Сергей Фомин драматик баҳсда 0/6 ҳисобидаги мағлубиятни ғалабага айлантирди

Унда мамлакатимизнинг иккинчи ракеткаси Сергей Фомин ҳам муваффақиятли иштирок этяпти. Бироз аввал ҳамюртимиз драматик кечган ва 2 соату 36 дақиқа давом этган 1/4 финал учрашувини ғалаба билан якунлади. Турнирда тўртинчи рақам остида таснифланган Фомин мусобақанинг саккизинчи ракеткаси, малайзиялик Митсуки Вей Канг Леонг устидан иродали ғалабага эришди. Биринчи сетни 0/6 ҳисобида бой берган Сергей ўйинга қайта олди - 6/2, 7/6(3). 

Маълумот учун, Фомин айни дамда ATP рейтингида 463, Леонг эса 777-ўринни эгаллаб турибди. Эртага ҳамюртимиз 1/2 финалда турнирнинг биринчи ракеткаси, хитойлик Сан Фай Жингга қарши кортга чиқади. Чин юрти вакили дунёнинг 251-ракеткаси бўлиб турибди ва бугун у 1/4 финалда турнирнинг олтинчи ракеткаси, япониялик Ҳаято Мацуокани 3/6, 6/2, 6/0 ҳисобида мағлуб этди. Финал чиптаси учун кечадиган Фомин - Сан учрашуви эртага бизнинг вақт билан соат 07:00`да бошланади.