11 июл 10:08
Янгиликлар

Теннис

Сергей Фомин Кессель турнирида 1/4 финалга чиқди

Германиянинг Кессель шаҳрида теннис бўйича М25 тоифасига кирувчи турнир бўлиб ўтмоқда.

Мусобақада Сергей Фомин ҳам ўз омадини синаб кўряпти. Мамлакатимизнинг иккинчи ракеткаси 1/8 финалда италиялик Яннис Милетич устидан иродали ғалабага эришди. Биринчи сетни бой берган ҳамюртимиз якунда ғалабани ўз томонига оғдириб олди - 2/6, 6/3, 6/4.

Теннисчиларнинг ўзаро ўтказган илк учрашуви 2 соату 17 дақиқа давом этган. Бугун Фоминни жиддий синов кутиб турибди. У 1/4 финалда турнирнинг биринчи ракеткаси, испаниялик Карлос Санчесга қарши кортга чиқади. Ушбу баҳс бизнинг вақт билан соат 20:00да бошланади.

Таққослаш учун, Фомин ATP рейтингида 442, Санчес 273-поғонадан жой олган. Теннисчиларнинг ўзаро бир маротаба тўқнаш келишган. Икки йил олдин Туркиядаги турнирда Санчес уч сет натижасига кўра зафар қучганди.