19 май 12:58
Янгиликлар

Теннис

Сергей Фомин Тбилиси "Челленжер" турниридаги юришини бошлади

Грузия пойтахти Тбилиси шаҳрида теннис бўйича "Челленжер" туркумига кирувчи турнир бўлиб ўтмоқда.

Мусобақанинг саралаш баҳсларида ҳамюртимиз Сергей Фомин ҳам ўз имкониятини синовдан ўтказяпти. Мамлакатимизнинг иккинчи ракеткаси 73 дақиқа давом этган илк давра учрашувида саралаш баҳсларига имтиёзли йўлланма асосида қўйилган грециялик Павлос Циципасни 6/3, 7/5 ҳисобида мағлубиятга учратди.

Таққослаш учун, Фомин ATP рейтингида 462, Циципас эса 1127-поғонадан жой олган. 19 ёшли Паслос грециялик машҳур теннисчи Стефанос Циципаснинг укаси ҳисобланади. Циципас 9, Фомин эса 7 та эйс зарбасини амалга оширган. Саралашда тўққизинчи рақам остида таснифланган Сергей бироздан сўнг россиялик Семен Панкинга қарши кортга чиқади. Ушбу баҳс ғолиби асосий тўрга йўл олади.