Сергей Фомин Тунис турнири 1/4 финалида

Ушбу мусобақада мамлакатимизнинг биринчи ракеткаси Сергей Фомин ҳам муваффақиятли иштирок этяпти. Ҳамюртимиз илк даврада италиялик Лоренцо Лоруссодан 6:2, 6:1 ҳисобида устун келганди. 

Кеча теннисчимиз иккинчи босқич баҳсида британиялик Феликс Гиллга қарши кортга чиқди. Биринчи сет тай-брекда 7/6(2) ҳисоби билан Фомин фойдасига ҳал бўлди. Иккинчи сетда 0/1 ҳисобида мағлуб бўлаётган Феликс баҳсни давом эттира олмаслигини билдирди. 

Шу тариқа, Сергей Фомин чорак финал йўлланмасини қўлга киритди. Турнирда олтинчи рақам остида таснифланган юртдошимиз бугун ярим финал чиптаси учун франциялик Уго Бланшега қарши баҳс олиб боради.