Сергей Ковалёв: Агар Аброр ака ёнимда бўлганида, Уорд билан реваншга ҳожат қолмасди

Ҳамюртимиз мана бир неча ойдирки, россиялик боксчига мураббийлик қилиб келяпти. Аброр Турсунпўлатов Рио Олимпиадаси чемпиони Фазлиддин Ғоибназаровнинг шахсий мураббийи ҳам ҳисобланади. Ковалёв Турсунпўлатов қўл остида чемпион бўлди ва чемпионлик камарини ҳимоя қилди. 

“Агар Турсунпўлатов Андре Уорд билан ўтказган илк жангимда ёнимда бўлганида, америкалик боксчига қарши реванш жангининг ўтказилишига ҳожат қолмас эди. Биринчи жангда ҳакамлар хатога йўл қўйишди. Реванш жангига эса мен на руҳан, на жисмонан ва на спорт формасида бўйича тайёр эмасдим”, — деди Ковалёв.