16 авг 06:11
Янгиликлар
Бокс/ММА
Шаҳрам Ғиёсов иштирокидаги жанг муддатидан олдин якунланди
Боксчимиз Шаҳрам Ғиёсов АҚШда проф рингдаги 10-жангини ўтказди.
Ушбу жангда ҳамюртимизга никарагуалик Уинстон Кампос (31-7-6, 19 КО) рақиблик қилди.
10 раундга мўлжалланган жанг муддатидан олдин якунланди. Учинчи раунд сўнггида боксчимиз чап қўлида ўзининг кучли зарбаси билан рақибининг қорин қисмига кучли зарба йўллади ва нокаут эвазига ғалаба қозонди.
Шу тариқа, Шаҳрам ўзининг WBA International камарини ҳимоя қилди.
Маълумот учун, Ғиёсовнинг профессионал рингда ўтказган жанглари сони 10 тага етди. У жангларининг барчасини ғалаба билан якунлаган. 8 та жангда эса рақибларини нокаутга учратган.
Эслатиб ўтамиз, Шаҳрам аввалига мексикалик Франсиско Рохога қарши жанг қилиши лозим эди. Аммо Рохода коронавирус аниқлангани учун боксчимиз 28 ёшли Кампосга қарши рингга кўтарилди.
Ҳавола :
Манба : olamsport.com
Фикрлар