03 июл 15:34
Янгиликлар

Бокс/ММА

Шаҳрам Ғиёсов WBA вақтинчалик камари учун жанг қилади, рақиб маълум — манба

Проф бокснинг ярим ўрта вазн тоифасида фаолият олиб бораётган ҳамюртимиз Шаҳрам Ғиёсовнинг кейинги жанги бўйича маълумот тарқалди.

MoBoxing&NoProblem нашрида айтилишича, Шаҳрам Ғиёсов WBA йўналишида вақтинчалик чемпионлик камари учун жанг қилиш арафасида. Унга Мексика вакили Рауль Куриэль рақиб бўлиши кутиляпти.

Ҳозирча ҳар икки томон WBA тўлақонли чемпиони Ролли Ромеронинг қарорини кутмоқда. Аввалроқ, Ромерога WBC ташкилоти Барриос - Пакьяо тўқнашуви ғолиби билан бирлаштирувчи жанг ўтказиш таклифини берганди.

Ғиёсов айни дамда WBA камари учун мажбурий даъвогар саналади.

31 яшар ҳамюртимиз фаолияти давомида 17 та жанг ўтказиб, уларнинг барчасида ғалаба қозонган. 29 ёшли Рауль Куриэль ҳисобида эса 16 та ғалаба ва 1 дуранг бор.