13 июл 09:42
Янгиликлар

Бокс/ММА

Шакур Стивенсоннинг Уильям Сепедага қарши жанги тўлиқ давом этди

Бироз аввал АҚШнинг Нью-Йорк шаҳрида Турки Ал аш-Шейх томонидан ташкил этилган катта проф бокс оқшоми якунланди.

Оқшомнинг асосий жанги енгил вазн тоифасида ўтказилди ва унда мағлубият ва муроса нималигини билмай келаётган чарм қўлқоп усталари ўзаро тўқнаш келишди. Америкалик WBC чемпиони Шакур Стивенсон мексикалик вақтинчалик камар соҳиби Уильям Сепедага қарши рингга кўтарилди.

Ўн икки раунд тўлиқ давом этган чемпионлик жангида Шакур Стивенсон мажбурий даъвогар ҳисобланган Сепедани ҳакамларнинг якдил қарори билан 118-110, 118-110, 119-109 ҳисобларида мағлубиятга учратди ҳамда WBC чемпионлик камарини муваффақиятли ҳимоя қилди.

Дарвоқе, Шакур Стивенсонга Уильям Сепедага қарши кечган жангига тайёргарлик кўриш учун айнан Ботир Аҳмедов ёрдам берган эди.