Шанхайдаги UFC Fight Night 286 турнирининг иккинчи муҳим жанги эълон қилинди

Ташкилотчилар томонидан ушбу оқшомнинг иккинчи муҳим воқеаси - co main-event жанги эълон қилинди. Хитойлик Сяонан Ян ва бразилиялик Дениз Гомес ўртасидаги энг енгил вазн тоифасидаги аёллар жанги Шанхай турнирининг аҳамияти жиҳатидан иккинчи муҳим тўқнашуви бўлади.  

2024 йил апрель ойида Сяонан Ян ҳамюрти Вейли Чжандан чемпионлик камарини тортиб олишга муваффақиятсиз уринишни амалга оширганди. Ўшанда у беш раундлик жангда ҳакамлар қарорига кўра рақибасига ютқазиб қўйганди. Шундан кейин Ян иккита жанг ўтказди. Табата Риччини таслим этган Сяонан Вирне Яндиробега очколар ҳисоби билан ютқазган эди. 

Денис Гомес эса, аксинча, сўнгги жангида Тиша Пеннингтон устидан ҳакамларнинг якдил қарори эвазига ғалаба қозонганди. Гомес тўртта ғалабаси серия билан келмоқда.

Айни пайтда хитойлик ва бразилиялик UFC жангчилари биринчи энг енгил дивизиони мета-рейтингида мос равишда бешинчи ҳамда саккизинчи ўринларни эгаллаб турибди. Матбуотнинг медиа-рейтингида эса улар тўртинчи ва ўн учинчи ўринларни банд этган.