Шарҳловчиликдан академикликкача. Ахбор дода Имомхўжаевни табриклаймиз!

Нафақа ёшига етиб бўш вақтлари кўпайгач эса, китоб ёзиш унинг асосий вазифасига айланди. Ахбор дода муаллифлигида жами 10 та асар (улардан 6 таси ўқув қўлланмалар) дунё юзини кўрган бўлса, энг сўнгги ва ва ҳажми бўйича энг каттаси ҳисобланмиш “Аср футболидаги асл қадрдонларим” китоби ўзбек футболининг 100 йиллигини қамраган ҳолда, ўзбек футболи энциклопедияси сифатида ҳам таъриф этилди.

12 йил давомида тўпланган маълумотлар асосида битилган бу китоб зиёлилар ва арбоблар томонидан ҳам юксак эътироф этилди. Йил бошида, Ахбор дода 84 ёшга тўлишлари арафасида Ўзбекистон Давлат жисмоний тарбия ва спорт университети Кенгаши қарорига биноан у кишига университетнинг Фахрий профессори унвони берилган эди. Куни кеча эса Ахбор дода яна бир юксак унвонни қабул қилиб олдилар. Ўрта Осиё Халқлари тарихи институти Турон Фанлар Академияси Президиумининг қарори билан Ахбор Имомхўжаев академиянинг ҳақиқий аъзоси деб қабул қилинди ва “Академик” илмий унвони билан тақдирланди. Юксак унвон ва бу ҳақдаги ҳужжатларни отахонга Турон Фанлар Академияси президенти Ҳайдарбек Бобобеков топширди.

Умрининг 60 йилини футбол ривожи, тарғиботи ва журналистикасига бағишлаган Ахбор дода Имомхўжаевни Академик унвони билан табриклаймиз!