30 июл 08:55
Янгиликлар
Теннис
Шарипова 2 дақиқаси кам 3 соат давом этган баҳсда мағлуб бўлди
Истеъдодли теннисчимиз Сабина Шарипова АҚШнинг Лексингтон шаҳрида якунига етиб бораётган турнирдаги иштирокини тўхтатди.
Ҳамюртимиз мукофот жамғармаси 50 минг долларни ташкил қилувчи мусобақанинг чорак финал учрашувида голландиялик машҳур теннисчи Микаэла Крайчекка уч сет натижасига кўра имкониятни бой бериб қўйди.
Икки дақиқаси кам 3 соат давом этган учрашувда Крайчек 7:6(3), 1:6, 7:6(2) ҳисобида зафар қучди. 27 ёшли Микаэла ўз вақтида дунё рейтингида 30-ўрингача кўтарилган. Айни пайтда 196-поғонани банд этган. Сабина эса 197-ўринни эгаллаб турибди.
Эслатиб ўтамиз, Сабина Шарипова яккаликнинг илк даврасида америкалик Женифер Элиени 6:2, 6:4, иккинчи босқичда эса яна бир мезбон теннисчи Франческа Ди Лоренцони 2:6, 7:6(3), 6:1 ҳисобида мағлуб этганди.
Ҳавола :
Манба : olamsport.com
Фикрлар