13 сен 07:32
Янгиликлар

Теннис

Шарипова Франциядаги турнирда кортга чиқди

Франциянинг Биарриц шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 80 000 АҚШ долларини ташкил қилувчи ушбу мусобақада ҳамюртимиз Сабина Шарипова ҳам иштирок этди. Турнирда иккинчи рақам остида таснифланган вакиламиз афсуски илк даврадаёқ мағлубият аламини тотиб кўрди.

Аниқроғи, мамлакатимизнинг биринчи рақамли теннисчиси биринчи босқич учрашувини якунига етказа олмади. Испаниялик Олга Ларрага баҳс олиб борган Сабина учинчи сетнинг олтинчи геймидан сўнг жароҳати сабаб курашни давом эттира олмади. Учрашув 2:6, 6:3, 2:4 ҳисоби билан тўхтатилди.