Шарипова “Катта Дубулға” турнирларининг 4 карра ғолибасига қарши кортга чиқди

“Челленжер” туркумига кирувчи ушбу мусобақанинг соврин жамғармаси 115 000 АҚШ долларини ташкил қилади. Ҳамюртимиз чорак финал учрашувида россиялик кучли теннисчига қарши кортга чиқди.

Унинг рақибаси “Катта Дубулға” туркумига кирувчи турнирларнинг 4 карра ғолибаси, Олимпиада-2008 вице-чемпиони Вера Звонарева бўлди. Шарипова дунё рейтингида 159, Звонарева эса 623-ўринни эгаллаб турганди.

Лекин икки теннисчи ўртасидаги учрашувда барибир тажриба ўз сўзини айтди. Бир соату 5 дақиқа давом этган баҳсда Звонарева 6:3, 6:2 ҳисобида зафар қучиб, ярим финалга йўл олди. Бу икки теннисчисининг ўзаро илк учрашуви эди.