Sharjah Masters 2025. Нодирбек Абдусатторовда ғалаба ва у кучли учликка кириб олди

Мукофот жамғармаси 73 000 АҚШ долларини ташкил этувчи ушбу мусобақанинг кучлилар жам бўлган "Masters" гуруҳида тўрт нафар гроссмейстеримиз - Нодирбек Абдусатторов, Жаҳонгир Воҳидов, Муҳиддин Мадаминов ва Ортиқ Ниғматов ҳам совринли ўринлар учун баҳс олиб боришмоқда. 

Кеча мусобақада 6-тур учрашувлари бўлиб ўтди. Нодирбек Абдусатторов оқ доналарда ҳиндситонлик гроссмейстер Иниян Пани мағлубиятга учратди. Бу билан турнирнинг биринчи рақамли шахматчиси бўлган ҳамюртимиз турнир жадвалида 4,5 очко билан соф учинчи ўринга кўтарилиб олди. 

Афсуски, Sharjah Masters 2025 турнирининг 6-турида қолган шахматчиларимиз қора доналарда ўйнаб, очко йўқотишди. Ортиқ Ниғматов россиялик Давид Паравянга, Муҳиддин Мадаминов ҳиндистонлик Ароняк Гошга имконияти бой берди. Жаҳонгир Воҳидов эса яна бир ҳинд гроссмейстери Абҳижит Гупта билан муросага келди.

Еттинчи тур олдидан турнирнинг иккинчи сараланган шахматчиси нидерландиялик Аниш Гири ҳамда сербиялик Александар Инджич 5 очкодан жамғариб, турнир жадвалида қўшҳокимлик қилишяпти. Нодирбек Абдусатторов кечаги ғалабаси эвазига 4,5 очко билан соф учинчи ўринга кўтарилиб олди. 

Эътиборга молик жиҳати шундаки, бугун 7-турда Нодирбек Абдусатторов қора доналарда айнан Аниш Гирига қарши баҳс олиб боради. Эҳимолий ғалаба уни чемпионлик сари яқинлаширади.