Шармандали натижа! Эркин кураш бўйича терма жамоамиз Осиё чемпионатини медалсиз якунлади

Мусобақанинг сўнгги икки кунлигида эркин кураш бўйича беллашувлар ташкил этилди.

Унда иштирок этган Муса Сайдулбаталов иштирокидаги Ўзбекистон терма жамоаси мусобақада бирорта ҳам медаль қўлга кирита олмади. UWW_UZB каналига кўра, бу эркин кураш бўйича термамизнинг Осиё чемпионати тарихидаги энг ёмон натижаси бўлди.

Турнир доирасида эркин курашчиларимиздан Шерзод Поёнов, Фазлиддин Насритдинов ҳамда Умиджон Жалолов бронза медали учун курашиб, мағлуб бўлишди.

Маълумот ўрнида, Осиё чемпионатида юнон-рум курашчиларимиз 3 та олтин, 2 та кумуш ва 1 та бронза, аёл курашчиларимиз эса 1 та бронза медалини қўлга киритишганди.