11 фев 23:34
Янгиликлар
Дзюдо
Шарофиддин - “Катта Дубулға” турнири кумуш медал совриндори!
Франциянинг Париж шаҳрида дзюдо бўйича “Катта Дубулға” туркумига кирувчи йилнинг дастлабки нуфузли турнири давом этмоқда.
Ушбу мусобақада Ўзбекистон дзюдо терма жамоасининг тўққиз нафар аъзоси ҳам ҳам иштирок этяпти. Бугун эркаклар ўртасида -60, -66 ҳамда -73 кг вазн тоифаларида баҳслар ўтказилди.
Ҳамюртларимиздан -60 кг вазн тоифасида татамига чиққан Шарофиддин Лутфуллаев якунда кумуш медал совриндори бўлди. Дзюдочимиз финал чиптаси учун баҳсда кореялик Чан Ёнг Кимни мағлубиятга учратганди.
Афсуски, у ҳал қилувчи финал беллашувида дзюдо ватани ҳисобланган япониялик полвон Наохиса Такатога имкониятни бой бериб қўйди. Бу терма жамоамизнинг илк медали бўлди.
Маълумот учун, Шарофиддин ярим финалга қадар словакиялик Матьяж Трбовк, россиялик Роберт Мшвидобадзе, бразилиялик Эрик Такабатакедан устун келганди.
Ҳавола :
Манба : olamsport.com
Фикрлар