UZ

Сўнгги янгиликлар

14:39Жон Жонс Оқ уйда бўладиган турнирда қатнашмоқчи эканлигини тасдиқлади 0 14:17МЛС. "Интер Майами" мағлубиятга учради, Мессининг голли серияси якунланди 0 13:54Порье Махачев - Топурия эҳтимолий жанги ҳақида фикр билдирди 0 13:28Терма жамоамиз "Корея Опен" мусобақасини 7 та медаль билан якунлади 0 13:05Дюбуа Усикка қарши жанг олдидан: "Ўзимни енгилмасдек ҳис қиляпман" 0 12:39Роналду Луис Диасни “Ал Насср”да кўришни истамоқда — клуб 100 миллион евро беришга тайёр 0 12:17Мэнни Пакьяо Флойд Мейвезерни реваншдан қочганликда айблади 0 11:55Царукян Топуриянинг кучли ва заиф томонларини санаб берди 0 11:34Freestyle Chess Grand Slam. Абдусатторов ва Синдаров Лас-Вегасдаги турнирни муваффақиятли бошлади 0 11:11"Реал" ўзининг энг қиммат футболчиларидан бири билан хайрлашишга тайёр 0 10:52Эдди Хирн Усик - Дюбуа реванши учун ўз тахминини айтди 0 10:24Жаҳон кубоги. Умида Омонова турнир етакчисига қарши биринчи партияни ўтказди 0 10:01The Ring журнали янгиланган P4P рейтингини эълон қилди. Стивенсон Бенавидеснинг ўрнини эгаллади 0 09:38Расман: "Атлетико" 30 млн евролик трансферни амалга оширди 0 09:15Абу-Даби мезбонлигидаги UFC 321 турнирида катта жанг гувоҳи бўлишимиз мумкин 0

21 апр 11:56
Янгиликлар

Футбол

Шавкат Мирзиёев U-17 терма жамоамизни Осиё чемпионлиги билан табриклади

Футбол бўйича ўн етти ёшгача бўлган Ўзбекистон терма жамоаси аъзоларига

Азиз фарзандларим!

Ўн етти ёшгача бўлган ўсмирлар ўртасида Cаудия Арабистони майдонларида бўлиб ўтган нуфузли мусобақада муваффақиятли иштирок этиб, юксак соврин – Осиё кубогини қўлга киритганингиз билан халқимиз номидан, ўз номимдан чин қалбимдан самимий муборакбод этаман.

Сизлар каби навқирон, азму шижоатли ёшларимизнинг бутун турнир давомида биронта ҳам мағлубиятга учрамасдан, рекорд натижа кўрсатиб, жонажон Ватанимиз шарафини мардона ҳимоя қилганлари, ҳеч шубҳасиз, миллий футболимиз тарихига олтин ҳарфлар билан ёзиладиган шонли воқеа, десак, тўғри бўлади.

Айниқса, финалда мусобақа мезбони – Саудия Арабистони каби ғоят кучли жамоага қарши кескин беллашувда турли босимларга қарамасдан, ўн бир ўйинчига қарши тўққиз футболчи шиддатли кураш олиб борганингиз чинакам жасорат ва матонат намунаси бўлди. Сизлар намоён этган юксак мардлик ва маҳорат ҳар қандай таҳсинга сазовордир.

Мусобақа якунига кўра, уч нафар истеъдодли ва моҳир спортчимиз якка тартибдаги совринлар эгаси бўлгани, жумладан, Неъматуллоҳ Рустамжонов – турнирнинг энг яхши дарвозабони, Асилбек Алиев – энг яхши тўпурари, Садриддин Ҳасанов – энг яхши футболчиси сифатида эътироф этилганини ҳам алоҳида таъкидлаш лозим.

Эл-юртимиз сизларнинг тимсолингизда доимо олдинга интилиб яшайдиган, юксак марраларни забт этишга қодир Янги Ўзбекистон ёшларининг энг ёрқин вакилларини кўради ва сизлар билан ҳақли равишда фахрланади.

Мамлакатимизда спортга, жумладан, футбол ривожига берилаётган юксак эътиборнинг яна бир амалий натижаси бўлган мана шундай тарихий ғалаба учун сизларга, сизларни тарбиялаб вояга етказган ота-оналарингиз ва устоз-мураббийларингизга чин дилдан самимий миннатдорлик билдираман.

Сизлар ушбу ғалабадан руҳланиб, шу йил ноябрь ойида Қатарда бўлиб ўтадиган жаҳон чемпионатида ҳам Осиёнинг ғолиб жамоаси сифатида муносиб иштирок этасиз, деб ишонаман.

Бахт ва зафар сизларга доимо ёр бўлсин, азиз фарзандларим!

 

Шавкат Мирзиёев,

Ўзбекистон Республикаси Президенти

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг