Шавкат Раҳмоновнинг октагонга қайтиши ҳақида хабар берилди

Сурхондарёда дунёга келган Раҳмонов узоқ муддат жанглардан четда қолиши натижасида UFC рейтингидан чиқарилган эди. Шавкатнинг ўзи шу йил охирига келиб жароҳатдан фориғ бўлиб, UFC`га қайтишни режалаштирмоқда. Бу ҳақда MMAJunkie хабар бермоқда.

Манба маълумотларига кўра, 31 ёшли ярим ўрта вазн тоифаси вакили тиззасидан олган жароҳати ва жарроҳлик амалиётидан сўнг узоқ муддатли реабилитация курсини давом эттирмоқда. Раҳмонов сўнгги жангини 2024 йил декабрь ойида ўтказганди. 

Катта танаффусга қарамай, қозоғистонлик аралаш яккакураш устаси аллақачон машғулотларни бошлаган - апрель ойида у юкламалар, жумладан оёқлар иши акс этган видеони эълон қилди.

Маълумот учун, Шавкат Раҳмонов 19-0 рекорди билан мағлубиятсиз қолмоқда. Ҳисобида муддатидан аввал қўлга киритилган 18 та ғалаба бор.