Шахматчиларимиз Афруза ва Нилуфар жаҳон чемпионати етакчилари қаторида

Ҳамюртларимиз Афруза Ҳамдамова 16 ёшгача бўлган қизлар ўртасида етакчига айланган бўлса, 14 ёшгача бўлган қизлар орасида терма жамоамиз аъзоси Нилуфар Имомқўзиева ғолибликка асосий даъвогарлардан бирига айланиб олди.

6-тур баҳсларида Афруза Ҳамдамова қора доналарда аргентиналик Эрнестина Адамни 38-юриш ҳолатида таслим этди. Ушбу ғалаба эвазига ҳамюртимизнинг очколари сони 5,5 тага етди ва 65 нафар иштирокчи орасида якка пешқадамга айланди.  

14 ёшгача бўлган шахматчи қизлар орасида ҳамюртимиз Нилуфар Имомқўзиева жаҳон чемпионатига бекорга келмаганини намойиш этмоқда. Маҳоратли шахматчи қизимиз ортда қолган 6 та турнинг 5 тасида ғалабага эришган бўлса, 1 тасида дуранг натижа қайд этди. 

6-турда польшалик Виктория Сметанскаяни мағлубиятга учратиши натижасида Нилуфар 95 нафар иштирокчи орасида ғолибликка асосий даъвогарлардан бирига айланиб олди. Ортда қолган 6-турда терма жамоамиз аъзоси Жавоҳир Бозоров қора доналарда франциялик Виржил Брайлга имкониятни бой бериб қўйди.  

Бугун жаҳон чемпионатининг навбатдаги 7-турида Афруза Ҳамдамова қозоғистонлик Эльназ Калиахмет билан, Нилуфар Имомқўзиева грузиялик Кесари Мгеладзе билан, Жавоҳир Бозоров бразилиялик Ким Пол Мариани билан куч синашади.