Шерзод Тошматов бир овоздан AIBA ижроқўм аъзолигига сайланди

Икки кун давомида ўтказиладиган мазкур йиғилишда спортнинг ушбу турини бутун дунёда янада кенг ривожлантириш билан боғлиқ қатор муҳим масалалар муҳокама қилинади.

Мамлакатимизда илк маротаба ўтказилаётган AIBA ижроқўм йиғилишининг биринчи куни ташкилотнинг турли бўлимларида амалга оширилган ишлар ҳисоботи тингланди. 

Эътиборлиси, кеча куннинг биринчи ярмида ўтказилган йиғилишда Ўзбекистон ҳаваскор бокс федерацияси раисининг биринчи ўринбосари Шерзод Тошматов AIBA ижроқўм аъзолигига бир овоздан сайланди.

Ўзбекистон вакилини ушбу нуфузли ташкилотнинг юқори бошқарув органига сайланиши халқаро майдонда Ўзбекистон бокс мактаби ҳамда мамлакатимиз мутахассисларига бўлган юксак даражадаги ишонч ва эътиборнинг ёрқин намунасидир. 

Маълумот учун, бугун соат 11:30да “International Hotel Tashkent” меҳмонхонасида Ижроқўм йиғилиши якунларига бағишланган матбуот анжумани ўтказилади.

Шавкат Жалилов тайёрлади