Шевченко Хабибнинг ММАдаги аёллар борасида билдирган эътирозини жавобсиз қолдирмади

"Мендан сўрасангиз, бу спорт турини аёллар учун тавсия қилмайман. Аёл кишининг юзига уриш мен учун ваҳшийлик, айниқса, у она бўлса. Ўзим катта бўлган жойда бунақасини кўрмаганман. Аллоҳ таоло аёлни заиф, эркакни эса кучли қилиб яратган. Одамлар буларнинг барчасини ўзгартиришни ва аралаштиришни хоҳлашади. Билмадим, сиз бунга қандай қарайсиз, лекин менга эркакнинг эркаклар иши билан, аёлнинг аёллар иши билан шуғулланиши ёқади", - деганди Хабиб яқинда берган интервьюсида.

Шевченко ижтимоий тармоқдаги саҳифасида "Бургут"нинг сўзларига изоҳ берди.

"Аёллар заифми?! Буни самолёт капитани бўлган синглимга айт. Ёки "Тунги жодугарлар"га - Иккинчи жаҳон уруши давридаги тўлиқ аёллар бомбардимончи полкига айт, улар тунда ўчирилган двигателлар билан бомба ташлаб, сўнгра қўниш чироқларисиз қоп-қоронғи жойга самолётни қўндиришган. Бунинг учун улар қўлга тушмас ва ҳалокатли деган номга сазовор бўлишган.

Қани, ким зўрлигини айт-чи! Ҳаммаси тарбияга боғлиқ. Худди шунингдек, эркакни ҳеч нарсага қодир бўлмаган ожиз сўтак қилиб тарбиялаш мумкин. Жанг санъати - бу ҳарбий анъана бўлиб, унда эркак ва аёл ўртасида фарқ йўқ. Фақат санъатнинг ўзи бор. Айнан шунинг учун одамлар машқ қилишади - янада латофатли, кучли ва доно бўлиш учун, ҳеч ким ҳеч қачон уларнинг юзига уриш имкониятига эга бўлмаслиги учун", - деб ёзди Шевченко.