15 дек 17:03
Янгиликлар
Бокс/ММА
Шоҳасан Мирзаматов чемпионлик камари учун жанг қилади. Сана ва рақиб номи маълум!
Хабар берганимиздек, ярим ўрта вазн тоифасида ўзбекистонлик аралаш якка кураш устаси Шоҳасан Мирзаматов навбатдаги жангини Қозоғистоннинг Octagon лигаси чемпионлик камари учун ўтказади.
Аввалроқ, лига матбуот хизмати ҳамюртимиз иштирокидаги чемпионлик жанги 2024 йил январь ойида ўтказилиши ҳақида хабар берган эди.
Olamsport.com сайтига маълум бўлишича, жанг 2024 йил 19 январь куни Octagon 54 мусобақаси доирасида бўлиб ўтади. Ҳамюртимизга титул жангида Қозоғистон вакили Георгий Кичигин рақиблик қилади.
Эслатиб ўтамиз, Шоҳасан Мирзаматов 21 октябрь куни Олма-Ота (Қозоғистон) шаҳрида ўтказилган Octagon 51 турнири доирасида бразилиялик Нилсон Гомесни муддатидан олдин мағлуб этган эди.
Ҳавола :
Манба : olamsport.com
Фикрлар