Шоҳасан яна ўйиндан чиқди. Octagon 75 марказий жангида Азамат Нуфтиллаевни кўрамиз + ПОСТЕР

Мусобақанинг марказий жангида яримўрта вазн тоифасидаги ўзбекистонлик аралаш яккакураш устаси Шоҳасан Мирзаматов дивизион чемпиони, Қозоғистон вакили Георгий Кичигинга қарши баҳс олиб бориши керак эди.

Бироқ номаълум сабабларга кўра, жанг яна бекор қилинди. Ҳисоб бўйича бу икки спортчи ўртасида бекор бўлган учинчи жангдир.

Octagon League ахборот хизматининг маълум қилишча, турнирнинг асосий беллашуви эндиликда ҳамюртимиз Азамат Нуфтиллаев ва россиялик Даниял Элбаев ўртасида кечади.

Азамат "Дракон" Нуфтиллаев карьераси давомида 18 та жанг ўтказиб, 16 ғалаба, 1 та мағлубият ва 1 та дуранг қайд этган. Даниял "Т-34" Элбаев ҳисобида эса 12 та ғалаба ва 5 та мағлубият бор.