Шоҳжаҳон Абдуллаев ва яна бир боксчимиз проф боксда жанг ўтказади. Бу сафарги манзил — Венгрия!

Биз учун аҳамиятлиси, турнир доирасида икки нафар ўзбекистонлик чарм қўлқоп усталари — Шоҳжаҳон Абдуллаев ҳамда Комронбек Турғунбоев ҳам рингга кўтарилади.

Оғир вазн тоифасидаги 22 ёшли Абдуллевга Венесуэла вакили Иван Матьют рақиблик қилса, 21 яшар Турғунбоев молдовалик Иван Петровга қарши рингга  кўтарилади.

Бу Шоҳжаҳон Абдуллаев учун проф боксдаги тўртинчи жанг бўлади. У бундан аввалги жангларининг барчасида рақибларидан устун келганди. Абдуллаевнинг бўлажак рақиби — 31 яшар Матьют ҳисобида эса 31 ғалаба, 20 та мағлубият ва 2 дуранг бор.

Ярим ўрта вазнли Комронбек эса 2023 йилда проф боксда дебют қилиб, Богдан Утегеновни мағлуб этганди. Петров (7-16-2)га қарши жанг ҳамюртимиз учун профессионал фаолиятидаги иккинчиси бўлади.