Шоҳжаҳон Эргашев АҚШга жўнаб кетди + ФОТО

Қизиғи, бугун мағлубият ва муроса нималагини билмай келаётган боксчимиз Шоҳжаҳон Эргашев ҳам океан ортига йўл олибди. Ҳамюртимиз бу ҳақда ўзининг Инстаграм саҳифаси "сторис"ида хабар берди. 

"Ўйин бошланди, дўстлар. Мен ўз ишимни доимо аъло даражада бажарганман. Сиз эса тилларингизни ўткирлаб туринг", - дея изоҳ ҳам қолдирган боксчимиз.

Эслатиб ўтамиз, яқинда Шоҳжаҳон Эргашев "Salita Promotions" компанияси билан келишиб олган эди. Промоушен раҳбари Дмитрий Салита мижози билан яна биргаликда ишлаши тўғрисида илиқ фикрларни ҳам билдирганди.

"Мен кучли панчерлардан бири бўлган ажойиб салоҳиятли боксчидан мамнунман. Биз Шоҳжаҳон Эргашевни халқаро бокс юлдузига айлантириш йўлида биргаликда ишлашни интиқлик билан кутяпмиз”, - деганди Салита.