Шоҳжаҳон Эргашевнинг 9 кундан кейин ўтказиладиган жанги тасдиқланди + ПОСТЕР

Хабар берганимиздек, чарм қўлқоп устамиз 20 декабрь куни Самарқанд шаҳридаги Family Park мажмуасида ташкил этиладиган проф бокс оқшомининг асосий жангида рингга кўтарилади. Эргашевга ўша куни конголик 32 ёшли Мардочее Кувеса Катомбе рақиблик қилади.

Маълумот учун, 33 ёшли Шоҳжаҳон Эргашев ҳозиргача 27 та жанг ўтказиб, 25 ғалаба ва 2 мағлубият қайд этган. Мардочее ҳисобида эса 17 ғалаба ва 8 та мағлубият бор. Ҳамюртимиз сўнгги жангини февраль ойида Фарғонада ташкил этилган бокс оқшоми доирасида угандалик Жунжу Пауэрга қарши ўтказиб, биринчи раунддаёқ техник нокаут эвазига ғалаба қозонганди.