Шоҳжаҳон менежерлик қилаётган проф боксчимизнинг дебют жангидаги рақиби маълум

Шоҳжаҳон Эргашевнинг бизга хабар беришича, Йўлдошев угандалик Жой Вегасга қарши рингга кўтарилади. Шоҳжаҳон бўлажак жангда Бобурбекка секундантлик қилади. Вегас проф рингда 42 та жанг ўтказган. Ҳисобида 21 ғалаба, 18 мағлубият ва 3 та дуранг бор. Ўн тўртта жангда рақибларини нокаутга учраган. Ўн иккита жангда эса ўзи шундай ҳолатга тушган.  

Маълумот учун, 30 январь куни 29 ёшни қаршилаган Бобурбек Йўлдошев ёшлар ва катталар ўртасида Ўзбекистон чемпиони ҳисобланади. У шунингдек, юртимизда анъанавий тарзда ўтказиб келинадиган Сидней Жаксон, Золатарёв каби халқаро турнирларда ҳам шохсупанинг энг юқори поғонасига кўтарилган. 2012 йилда Озарбайжоннинг Боку шаҳрида ўтган Президенти турнирда кумуш медалга сазовор бўлган.