Шоҳжаҳондан мағлуб бўлган Фредриксон марказий жанг олдидан тарозига чиқди + ФОТО

Ушбу бокс кечаси Боб Арумга тегишли Top Rank промоутерлик компанияси томонидан ташкил этилмоқда. Бугун эса иштирокчилар анъанавий тарзда тарозидан ўтиш маросимида кўриниш беришди. 

Марказий жанг биринчи ярим ўрта вазн тоифасида ўтказилади ва унда чемпионлик камари учун собиқ даъвогар Алекс Сауседо ҳамда Сонни Фредриксон ўзаро тўқнаш келади. Сауседо 140,8 фунт (63,9 кг), унинг рақиби Фредриксон эса 140,9 фунт (63,9 кг) тош босди.

Эслатиб ўтамиз, ҳамюртимиз Шоҳжаҳон Эргашев америкалик Сонни Фредриксонни учинчи раунддаёқ техник нокаутга учратиб, рақибига илк мағлубиятни тақдим этганди. 

Қолган иштирокчиларнинг тарози натижалари:

Жосу Варгас (63,7 кг) — Сальвадор Брисеньо (138,2 / 62,7)

Жон Бауса (63,2) — Лоуренс Фрайерс (63 кг)

Донте Стаббс (72,7) — Айзия Жонс (72,3).