Шон Брэди Хамзат Чимаевнинг рекордини янгилади

Шон Брэди оқшомнинг асосий жангида яримўрта вазн тоифасида собиқ UFC чемпиони британиялик Леон Эдвардсни муддатидан аввал мағлубиятга учратган эди. Айнан шу жангда Шон партерда назорат қилиш бўйича янги рекорд ўрнатди. 

У иккинчи раунднинг бошланиши билан Эдвардсни партерга туширган Шон беш дақиқа давомида рақибини қўйиб юбормади. UFC берган статистикага кўра партердаги умумий вақт назорати 4 дақиқаю 57 сонияни ташкил қилган. Бу борада аввалги рекорд Хамзат Чимаевга тегишли бўлиб, у 2020 йилнинг июль ойида бўлиб ўтган жангда Жон Филипсни биринчи раундда 4 дақиқаю 55 сония партерда ушлаб турганди. Шон Хамзатнинг рекордини 2 сонияга янгилаган. 

Чимаевгача бўлган рекорд эса деярли 10 йил сақланиб турган. Аниқроғи, афсонавий Чел Соннен 2010 йилнинг февралида рақиби Нейт Марквардтни 4 дақиқаю 53 сония вақт мобайнида партерда ушлаб турган.