09 сен 08:54
Янгиликлар

Бокс/ММА

Шон Стрикленд Алекс Перейранинг машғулотларига қўшилди (ФОТО)

Икки вазн тоифасида бразилиялик UFC собиқ чемпиони Алекс Перейра кейинги жанги учун тайёргарлик олиб бормоқда.

У 5 октябрь куни АҚШнинг Лас-Вегас шаҳридаги T-Mobile Arena мажмуасида ўтказиладиган UFC 320 турнирининг марказий баҳсида ярим оғир вазн тоифасининг амалдаги россиялик чемпиони Магомед Анкалаевга қарши октагонга чиқади.

Реванш учун жиддий тайёрланаётган Перейранинг машғулотларига ўрта вазн тоифасининг собиқ чемпиони, америкалик Шон Стрикленд ҳам келиб қўшилди.

Эслатиб ўтамиз, Перейра ва Анкалаев ўртасидаги илк жангда рус спортчиси очколар ҳисобига кўра зафар қучганди.