Шон Стрикленд UFC уни жароҳат билан жангга чиқишга мажбур қилганини айтмоқда

У Дрикус Дю Плесси билан реванш жангида ҳали даволанмаган елка жароҳати билан иштирок этган, чунки ташкилот раҳбариятининг таклифини рад этиш имконияти бўлмаган.

"Дрикус билан жангдан олдин дўстим Аксел Ходжес билан мотоцикл ҳайдаш ортидан елкамдан жароҳат олдим, - дейди Стрикленд Kairouz Bros каналига берган интервьюсида. - Колумбияда эдим, менга жанг таклиф қилишганида, елкамга укол олаётган эдим. Муаммо шундаки, UFC’га "йўқ" деб бўлмайди. Булар қўшмачилар. Мезбонларга рад жавоби берилмайди. Шундай қилиб, мен бу жангга рози бўлишга мажбур бўлдим, чунки мени бурчакка қисиб қўйишганди".

Эслатиб ўтамиз, Шон Стрикленд 2024 йил бошида ўрта вазн тоифасидаги чемпионлик камарини Дю Плессига бой бериб қўйганди. Шундан сўнг улар биттадан жанг ўтказиб, ғалаба қозонишди. 

Айни вақтда ўрта вазн тоифаси рейтингининг учинчи поғонасида бораётган Шоннинг навбатдаги жанги 21 февраль куни Хьюстондаги UFC турнирида бўлиб ўтиши керак. Унга рейтингнинг 4-рақамли жангчиси Энтони Эрнандес рақиблик қилади.