Шу ҳафта ўтказиладиган ва Маҳмуд Мурадовнинг собиқ икки рақиби ўзаро жанг қиладиган UFC Fight Night 239 турнирининг тўлиқ карди

UFC Fight Night 239 оқшомининг марказий жанги оғир вазн тоифасида Тай Туиваса ҳамда Марчин Тибура ўртасида кечади. Турнирнинг прелим карди доирасидаги бир жанг эътиборимизни тортди. Унда Маҳмуд Мурадовнинг собиқ рақиблари Жеральд Миршерт ва Брайан Барберена ўзаро жангда муносабатларига ойдинлик киритиб олишади. 

Маълумот учун, Мурадов UFC Vegas 35 турнирида Жеральдга қарши октагонга чиқиб, мағлубиятга учраганди. Ўшанда Миршерт ҳамюртимизни иккинчи раундда бўғиб қўйганди. Ваҳоланки, Мурадов биринчи раундни 10-9 ҳисобида ўз фойдасига ҳал қилган эди. Бу Маҳмуд учун UFC'даги илк мағлубият бўлганди.

Ўтган йилнинг 22 июль куни эса Маҳмуд Мурадов Буюк Британиянинг Лондон шаҳрида ўтказилган UFC Fight Night 224 турнирида америкалик Брайан Барберенани очколар ҳисобига кўра таслим этганди.

UFC Fight Night 239 турнирининг тўлиқ карди:

Асосий кард

Тай Туиваса — Марчин Тибура

Брайан Баттл — Анж Луза

Овинс Сент-Прю — Кеннеди Нзечукву

Тиаго Мойзес — Митч Рамирес

Пенни Кианзад — Мэйси Чиассон

Прелим кард

Жеральд Миршерт — Брайан Барберена

Натан Леви — Майк Дэвис

Жозин Нуньес — Челси Чэндлер

Кристиан Родригес — Айзек Дулгариан

Оди Осборн — Жафел Фильо

Жошуа Кулибао — Дэнни Силва

Кори Маккенна — Жаклин Аморим

Шаралампос Григориу — Чэд Анхелигер