14 авг 09:56
Янгиликлар

Бокс/ММА

Шунчаки қойил! Дрикус дю Плесси жанглар оралиғидаги вазнини айтди

Ўрта вазн (84 кг гача) тоифасида UFC чемпиони Дрикус дю Плесси мавсумлар оралиғидаги вазнини маълум қилди.

Жанубий африкалик аралаш яккакураш устасининг сўзларига кўра, бу вазн 100 килограмдан ошиши мумкин.

"Ҳали 84 кг вазн қилишим учун анча бор. Одатда мен 102-104 кг тош босаман. Бу менинг машғулот йиғинида бўлмаган вақтимдаги вазним эканлиги аниқ", - дея дю Плессининг сўзларини келтиради Chicago Sports Network.

Дрикус дю Плесси 31 ёшда. У UFC`даги дебютини 2020 йилда ўтказган. Февраль ойида бўлиб ўтган UFC 312 мусобақасидаги сўнгги жангида у америкалик собиқ чемпион Шон Стриклендни ҳакамларнинг якдил қарори эвазига мағлуб этганди.

Эслатиб ўтамиз, 17 август куни АҚШнинг Чикаго шаҳрида бўлиб ўтадиган UFC 319 турнирида дю Плесси Хамзат Чимаевга қарши чемпионлик камарини ҳимоя қилади.