10 июн 15:09
Янгиликлар

Гимнастика

Сингапур қитъамизнинг энг кучли гимнастикачиларини чорлайди

Теглар : Спорт гимнастикаси Оксана Чусовитина

13-18 июнь кунлари Сингапурда спорт гимнастикаси бўйича Осиё чемпионати бўлиб ўтади.

Қитъамизнинг энг кучли спортчиларини жамлайдиган мазкур мусобақада Ўзбекистон терма жамоаси ҳам иштирок этади. Ўзбекистон гимнастика федерацияси мазкур мусобақада қатнашадиган спортчилар рўйхатини эълон қилди. Унда Оксана Чусовитина, Дилдора Арипова, Расулжон Абдураҳимов, Абдулла Азимов каби асосий таркиб спортчиларини учратиш мумкин.

Терма жамоамизнинг тўлиқ таркиби қуйидагича:

Эркаклар: Расулжон Абдураҳимов, Абдулла Азимов, Ўткирбек Жўраев, Ҳабибулло Эргашев, Абдулазиз Мирвалиев.

Аёллар: Оксана Чусовитина, Дилдора Арипова, Гулназ Жумабекова, Лобар Амриллаева.