Синнер энг кўп қиррали теннисчи кимлигини айтди

"Алькарасни айни пайтдаги энг кўп қиррали теннисчи деб биламан. У кортда истаган ишини қила олади. Баъзида унинг ожиз томонларини топиб бўлмайди. Балки унинг чап томондан берадиган зарбаси ўнг томондагидан кўра кучсизроқдир. Аммо у зарбаларига 100 фоиз кучини беради. Менда ҳам шундай. Мана нима сабабдан бизнинг ўйинларимиз доимо қизиқарли.

Биз меҳнатсевармиз ва ўз йўлимизда дадил одимлаймиз. Карлос билан биргаликда етакчилик учун кураш олиб бораётганимдан мамнунман. Бироқ ҳали олдимизда бошқа теннисчилар ҳам бор", - деди Синнер. 

Эртага, 29 май куни Синнер "Ролан Гаррос"нинг биринчи даврасида франциялик Александр Мюллерга қарши кортга чиқади.