02 ноя 16:08
Янгиликлар

Теннис

Синнер Париж "Мастерс" учинчи даврасига йўл олди

Франция пойтахти Париж шаҳри теннис бўйича "Мастерс" сериясига кирувчи нуфузли турнирга мезбонлик қилмоқда.

Дунёнинг тўртинчи ракеткаси Янник Синнер мусобақанинг учинчи давра иштирокчисига айланди. Италиялик теннисчи ATP рейтингида 42-поғонадан жой олган америкалик Маккензи Макдональд устидан иродали ғалабага эришди - 6/7(6), 7/5, 6/1.

Италиялик теннисчи ўзаро учрашувлардаги ҳисобни йириклаштирди - 3:0. Икки соату 18 дақиқа давом этган баҳсда Синнер 4, Макдональд 8 та эйс зарбасини амалга оширган. Қўшхатолар иккала теннисчида ҳам 2 тадан бўлди. Энди Янник 1/8 финалда австралиялик Алекс Де Минаурга қарши кортга чиқади.