Синякова - Словенияда соврин соҳибаси!

Ҳал қилувчи финал учрашувида кутилмаган натижа қайд этилди. Жаҳон рейтингида 82-поғонадан жой олиб турган чехиялик Катержина Синякова дунёнинг 25-ракеткаси қозоғистонлик Елена Рибакинани 6/7(4), 7/6(5), 6/4 ҳисобида мағлубиятга учратди. 

Уч соату бир дақиқа давом этган драматик баҳсда Синякова ажойиб камбэкни амалга ошира олди. Бу билан Катержина ўзаро учрашувлардаги ҳисоб фарқини минимал даражага қисқартирди - 3:4.

Чехиялик теннисчи учрашув давомида 1 та, қозоғистонлик эса 8 та эйс зарбасини амалга оширган. Словениядаги муваффақиятли иштирок Синяковага 280 рейтинг очкоси ҳамда 33,200 доллар мукофот пули келтирди. Бу унинг фаолиятидаги учинчи, мавсумдаги биринчи соврини эди.