14 июл 11:19
Янгиликлар
Теннис
![](/upload/storage/305263_220.jpg)
Уимблдон. Аёллар ўртасида жуфтлик турнирининг ғолибалари маълум
Лондон шаҳрида ўтказилаётган теннис бўйича "Катта Дубулға" туркумига кирувчи Уимблдон турнири ўз якунига етиб бормоқда.
Мусобақанинг аёллар ўртасидаги жуфтлик баҳсларида ғолибалар аниқланди. Ҳал қилувчи финал учрашувида чехиялик Катержина Синякова ва америкалик Тэйлор Таунсенд тандеми канадалик Габриэла Дабровски ҳамда Янги Зеландия вакиласи Эрин Рутлиф ҳамкорлигини мағлубиятга учратди - 7/6(5), 7/6(1).
Икки соату олти дақиқа давом этган баҳсда Синякова/Таунсенд жуфтлиги 5 та эйс, 1 та брейкни амалга оширди. Қўшхатога йўл қўймади. Синякова жуфтликда тўққизинчи, Таунсенд эса биринчи "Катта Дубулға" турнири чемпионлигига эришди. Улар 2000 рейтинг очкоси ҳамда 650,000 фунт стерлинг мукофот пулини қўлга киритишди. Дабровски ва Рутлиф эса биргаликда 1300 очко ва 330,000 фунтга эга чиқишди.
Ҳавола :
Манба : gotennis
Фикрлар