Сирожиддин олтин, икки Нодир эса бронза медали учун гиламга чиқади

Бугун 5 та вазн тоифасидаги беллашувлар билан эркин кураш мусобақасига старт берилди. Саралаш баҳсларидан сўнг уч нафар курашчимизнинг кечки дастурда медаллар учун гиламга чиқиши ойдинлашди. 

Қувонарлиси, 70 кг вазн тоифасида юртимиз шарафини ҳимоя қилаётган Сирожиддин Ҳасанов финалда олтин медаль учун курашадиган бўлди. У чорак финалда қирғизистонлик Исламбек Орозбековни 4-3, ярим финалда эса туркманистонлик Перман Ҳоммадовни 8-4 ҳисобида енгди. Сирожиддиннинг финалдаги рақиби қозоғистонлик Сирбаз Талгат бўлади.

57 кг вазндаги курашчимиз Нодиржон Сафаров чорак финалда ҳиндистонлик Кумар Равига 2-9 ҳисобида имкониятни бой берди. Энди Сафаров бронза медали учун фаланстинлик Али Абурумайлага қарши баҳс олиб боради. 

Терма жамоамизнинг 65 кг вазн тоифасидаги вакили Нодир Раҳимов ҳам Осиё чемпионатининг бронза медали учун курашади. Нимчорак финалда Шри-Ланка курашчиси Чамара Перерадан 10-0 ҳисобида устун келган Раҳимов чорак финалда япониялик Такуто Отогурога ютқазиб қўйди - 0-13. Раҳимовнинг бронза учун баҳсдаги рақиби эронлик Мортеза Гиаси Чека бўлади.