Собиқ жаҳон чемпиони Мурат Гассиев қайтди

"Миккосуки Индиан Гейминг Резорт" аренада ўтган оқшом доирасида биринчи оғир вазн тоифасида собиқ жаҳон чемпиони Мурат Гассиев америкалик Жереми Милтонга қарши рингга кўтарилди. Жанг муддатидан аввал якунланди. Олтинчи раунддан кейин Милтон жангни давом эттира олмаслигини маълум қилди. 

Маълумот учун, Мурат Гассиев охирги жангини 2024 йилнинг  октябрь ойида Арманистоннинг Ереван шаҳрида ўтказган эди. Ўшанда келиб чиқиши арманистонлик бўлган Гассиев даниялик Кем Юнгквистни "IBA Чемпионлар оқшоми"да мағлубиятга учратганди. Мурат Гассиев биринчи оғир вазнда WBA ва IBF чемпиони бўлган. 2020 йилдан оғир вазнда ўз жангларини ўтказиб келяпти. Шу вақт оралиғида 5 ғалаба ва 1 мағлубият қайд этди. Милтон эса иккинчи мағлубиятини қабул қилиб олди. Ҳисобида 11 та ғалаба бор. Гассиевнинг ғалабалари 32 тага етди. Мағлубиятлари иккиталигича қолди.